المستقل – خاص
يثبت الاردنيين دوماً بانهم اهل الفزعة والنخوة والشهامة في كافة الظروف والتحديات وهذا ليس بغريب او جديد فالمواقف والشواهد كثيرة ومتعددة .
مؤخراً ، استنجدت احدى النشميات من منطقة سحاب عبر مواقع التواصل الاجتماعي برسالة عفوية اخوانها النشامى لمساعدة والدها مالك مطعم سهول سحاب والذي أمضى ثلاثة ايام في حالة اكتئاب وحزن جعلته لا يغادر المطعم الى منزله نتيجة عدم اقبال المواطنين على الشراء من مطعمه حتى وصل به الحال الى “البكاء” ويبدو انها كانت الكلمة الاكثر قسوة واستفزازاً في رسالة ابنته التي وجهتها عبر مواقع التواصل الاجتماعي .
وفي اليوم الثاني من نشر الرسالة والتي انتشرت كالنار في الهشيم اصبح اسم المطعم “ترند” على مواقع التواصل الاجتماعي حيث تداعى الالاف من المواطنين الى شراء الوجبات من المطعم وكذلك قيام العديد من الشركات والمؤسسات الخاصة بالتضامن مع المطعم وتقديم الدعم له .
اليوم زار وزير العمل نايف استيتية المطعم واثنى على التربية الصالحة التي ربى بها مالك المطعم ابنته “ناشرة الرسالة” لوقوفها الى جانب والدها وتضامنها معه .
استجابة الاردنيين لرسالة النشمية تعبر بشكل واضح عن النخوة والشهامة والفزعة لاغاثة الملهوف والمحتاج التي يتمتع به الاردنيين وتمثل انتصاراً للنخوة والشهامة الاردنية العربية الاصيلة.
وتالياً نص الرسالة التي نشرتها ابنة مالك المطعم :
مرحبا يا جماعة
والله بكتب ودموعي على خدي، اليوم حكيت مع بابا وكان صوته كتير تعبان واخر اشي صار يبكي، امانه ساعدوني بطلب صغير
بابا فتح محل شاورما ب سحاب واله تلات ايام ما بروح ع البيت وحاط كل تعبه بالمحل بس المحل ما بجيب شغل منيح وهوه كتير زعلان حكا لليوم معي وكان بعيط بحكيلي لسا ما بعت اشي
بابا اله بشتغل بالشاورما من 2003 الحمد لله دايما للكل بمدح بالخلطه والشاورما تاعته بس عشانه كبر بالعمر ما حد رضى يشغله عنده وهوه الوحيد يلي بنستند عليه بعد ربنا الحمد لله وقرر يفتح محل اله شاورما لانه ما حد بعرف المحل وجديد بابا مش قاعد ببيع منيح
مع انه أسعاره ابدا مش غاليه وكتير منيحه وهوه ما يقصر مع أي حد بيجي عنده لو ع حسابه الشخصي المهم عنده السمعه بشغله تضل نضيفه
اجيت بدي اعمله اعلان كتير بوخذوا غالي ما معي حق اعلان
ف حكيت هاد اخر حل اني انزل بوست عشان تساعدوني أسألكم بالله ساعدونا بابا هاي رزقته الوحيده اقسم بالله ما دخل من اول الشهر ع دارنا دينار والحمد لله بنحكي ان شاء الله خير
ساعدوني أسألكم بالله يلي قريب من سحاب
اسم محله سهول سحاب قرب دوار البلديه
الأسعار العادي ب 1,75 السوبر 2,30 والدبل 3,00 والتربل 4,00
صدقوني رح تحبوا الشاورما منه كتير
ادمن اقبل الله يرضى عليكم قبل لا يخلص اليوم وبابا يخسر الشغل 
وهي رقم بابا يلي حاب يحكي معه ويستفسر منه عن الشاورما – 079/8213361
